Sælkeramatur var stofnað árið 2022. Af matreiðslu meisturunum Hinrik Erni, Viktor Erni og Sigurði Helgasyni. Við leggjum mikinn metnað í gæði & þjónustu fyrir okkar viðskiptavini. Ásamt því að vinna markvisst að því að veita góða upplifun. Við erum þjónustu drifið fyrirtæki, sem leggjum mikið upp úr því að vinna náið með okkar viðskiptavinum að þeirra óskum.
Viktor Örn er einn virtasti matreiðslumaður Íslands en hann hlaut titilinn kokkur ársins árið 2013, sigraði Norðurlandameistaramót matreiðslumanna árið 2014 og náði einum besta árangri íslensks matreiðslumanns þegar hann hlaut bronsverðlaun í hinni virtu matreiðslukeppni Bocuse D‘or árið 2017, auk þess sem hann var um árabil í kokkalandsliðinu. Honum finnst skemmtilegast að elda góða steik, ekki síst eitthvað á beini, en fyrir utan matreiðsluna hefur hann áhuga á ferðalögum, stangveiði og mótorkrossi. Allra best er þó að borða góða steik og drekka gott rauðvín með. Viktor er í sambúð og á eitt barn.
Þrátt fyrir ungan aldur er Hinrik Örn einn færasti matreiðslumaður landsins en hann sigraði keppnina Kokkanemi ársins 2017 og landaði silfri á norrænu nemakeppninni árið 2018. Hann var aðstoðarmaður Viktors Arnar á Bocuse D‘or keppninni árið 2017 þar sem þeir unnu til bronsverðlauna. Hinrik var í landsliði matreiðslumeistara árið 2018 og árið 2018 sigraði hann Evrópukeppnina í matreiðslu. Hinrik er í sambúð, hann hefur áhuga á laxveiði og ferðalögum, og hefur unun að góðri steik með góðu rauðvíni.
Sigurður Helgason, betur þekktur sem Siggi Helga, er reynslumikill og skapandi matreiðslumaður sem hefur lengi verið áberandi í íslenskri matargerð. Hann hefur áratugareynslu af hágæðamatargerð, bæði á veitingastöðum og í einkarekstri. Sigurður hefur sérstakan áhuga á íslenskum hráefnum og er þekktur fyrir að nýta þau á frumlegan og bragðgóðan hátt, oft með nútímalegum snúningi á klassískum réttum. Hann hefur verið lykilmaður í eldhúsi og rekstri Sælkermatar þar sem hann leggur áherslu á gæði, einfaldleika og gleði í matargerð.
Hjá Sælkeramat trúum við því að góður matur og ábyrgð gagnvart umhverfinu fari vel saman. Við eldum fyrir þúsundir manna á hverjum degi og vitum að hver ákvörðun í eldhúsinu skiptir máli, allt frá innkaupum til þess sem verður eftir á disknum.
Stefnan nær til allrar starfsemi okkar: mötuneyta, hádegisverðarþjónustu, veisluþjónustu og framleiðslu.
Hráefnið skiptir máli Við veljum íslenskt og árstíðabundið hráefni þar sem því verður við komið og forðumst vörur sem fluttar eru með flugi. Við bjóðum ekki upp á fisktegundir í útrýmingarhættu og veljum MSC-vottaðan fisk þar sem við á. Við aukum jafnt og þétt hlut rétta úr jurtaríkinu og bjóðum alltaf upp á heitan vegan rétt.
Minni matarsóun Matarsóun er eitt stærsta umhverfismálið í matvælageiranum. Við áætlum hráefnisþörf út frá raungögnum um aðsókn og eldum í lotum yfir daginn í stað þess að elda allt í einu. Við vigtum matarsóun daglega og fylgjumst með árangrinum mánaðarlega. Afganga nýtum við á ábyrgan hátt í samræmi við reglur um matvælaöryggi.
Kolefnisspor og upplýsingar til gesta Við reiknum kolefnisspor og næringargildi réttanna okkar og upplýsum gesti um uppruna og vottanir hráefnis. Þannig geta allir tekið upplýsta ákvörðun um hvað þeir borða.
Engar einnota plastvörur Við notum eingöngu margnota borðbúnað og áhöld. Sykur, salt, sósur og annað slíkt er borið fram í margnota ílátum en ekki smáumbúðum. Servíettur og box fyrir afganga eru úr endurunnum pappír og umhverfisvottuð.
Vottaðar rekstrarvörur Kaffið og teið sem við berum fram er vottað lífrænt eða sjálfbært. Ræsti-, sápu- og uppþvottavörur eru umhverfisvottaðar (Svanurinn eða Evrópublómið).
Flokkun og orka Allt sorp er flokkað í merkt ílát og lífrænn úrgangur fer í jarðgerð. Við förum vel með orku, slökkvum á tækjum sem ekki eru í notkun og samnýtum ferðir í aðföngum og akstri.
Fólkið okkar Allt starfsfólk fær fræðslu um umhverfisstefnuna og flokkun við upphaf starfs, og við rifjum hana upp árlega.
Eftirfylgni Við mælum árangurinn árlega og endurskoðum stefnuna í kjölfarið. Framkvæmdastjóri ber ábyrgð á að stefnunni sé framfylgt.
